طريقه عمل الكشري

طريقه عمل الكشري

وطبعا مفيس حد في مصر غير لما اتهري من اكل الكشري اكله مميزه عند المصريين رائعه الطعم والخلطه العجيبه اللي حيرت الاجانب ولازم اول ماينزلوا مصر يجربوها واحنا طبعا معروفين باكله الكشري وكتره الصلصه والورد والحمص  ماتيجوا نشوف طريقه الكشري 

المكونات 

1- كيس مكرونه 

2- كيس مكرونه سباجيتي 

3- كوب عدس بجبه 

4- كوب شعيريه وكوب حمص 

5- نص كيلو طماطم 

6- 2 فلفل اخضر حامي وليمون وخل 

7- شطه وزيت  و3 بصلات 

 8- ملح وبهارات وجوزه الطيب

 9- 8 فص توم كبير

طريقه عمل الكشري

1-  نسلق المكرونه والعدس والسباجيتي والحمص كل نوع لوحده في حله 

2-  نقطع البصل طرنشات رفيعه ونرش عليه دقيق ونحمره في الزيت ونقلب بالزيت المكرونه  ونسيبه علي ورق مناديل ينشف

3- نحمر الشعيريه وعليها الرز والبهارات وعليها مياه مغليه بمكعب مرقه 

4- نفرم الطماطم ومعاها بصله صغيره وتوم ونسخن شويه زيت ونحط الطماطم لحد ماتبقي صلصه ونضيف عليها جوزه الطيب  

5-  لعمل الشطه  نسخن الزيت ونضيف ليه الشطه عشان نعمل صوص الشطه ونضيف معلقه صلصه ومياه وياخدوا غلوه صغيره 

6- لعمل الليمون  نسخن معلقه زيت ونضيف ليها التوم والخل والفلفل الاخضر المقطع وكوبايه مياه وياخدوا غلوه 

7-  نقدم الكشري وعليه الخلطه بتاعتنا كلها وبالف هنا 

طريقه عمل الفاهيتا

طريقه عمل الفاهيتا

تعتبر الفاهيتا من اسرع واجمل الوجبات السريعه مبتاخدش وقت في عملها في المطبخ واكله جميله اوي الفاهيتا محببه للكل كبار وصغار واصل الاكله دي مكسيكيه واخدناها احنا المصريين وطبعا زودنا فيها حاجات يعني المصريين ليهم بصمه دايما لازم يحطوا التاتس بتاعهم للفاهيتا  ماتيجوا نشوف طريقه الفاهيتا 

المكونات 

1- نص كيلو صدور فراخ 

2-  حبه طماطم واحده كبيره 

3- 3 قرن فلفل حامي وبارد

4-  بصله و2 فص توم 

5-  معلقه كاري وفلفل اسود وملح وكمون

6- زيتون اسود مقطع  ومعلقتين من الخل 

7- نص كوب بقدونس 

طريقه عمل الفاهيتا

1- نغسل الفراخ كويس اوي بالملح والخل ونسيبها تصفي المياه 

2- نقطع الفراح شرائح صغيره  

3- ندق التوم ونضع الفراخ مع الكاري والتوم والملح والفلفل والخل  نص ساعه

4-  نقطع البصل شرايح رقيقه ونقلبه في الزيت 

5- ثم نضع الفراخ في الزيت مع البصل

6-  هنقطع الفلفل مكعبات ونضيفه للفراخ 

7- هنضيف بقا الطماطم المتقطعه والبقدونس قبل مالفاهيتا تستوي بخمس دقايق وبكده حضرنا ليكوا اجمل فاهيتا  وبالف هنا

طريقه عمل الكبسه

طريقه عمل الكبسه

الكبسه الطبق المشهور اوي في المطابخ العربيه لانها تعتبر من اروع الاطباق الطعم المثالي واللذيذ 

بتبقا شامله كل مكونات المطبخ ليها طرق كتير اوي في تسويتها باللحم والفراخ والخضار زي مالناس بتحبها بتعملها وتقريبا الطريقه مابتختلفش كتير عن عمل كل نوع ماتيجوا نشوف طريقه الكبسه 

المكونات 

1-  4 كوب رز بسمتي 

2- فرخه  كبيره مقطعه 

3-   3 فلفل اخضر واحمر حاار 

4- بصلتين كبار مفرومين ناعم

5- حبيتين طماطم مفرومين ناعم 

6-  4 معالق معجون طماطم صلصه

7- قرفه وملح وكمون وورق لوري

8- قرنفل  ونص كوب زيت  وبهارات الكبسه

طريقه عمل الكبسه

 1- نشوح البصل مع البهارات في الزيت لحد مايتحمر وياخد اللون الذهبي

2- بعد ذلك قومي بإضافة مقدار معجون الطماطم إلي الخليط السابق علي النار الهادئة مع التقليب لمدة 60 ثانية بصورة جيدة.

3- الآن قومي بإضافة الطماطم المفرومة الناعمة مع البهارات المطحونة إلي خليط البصل ومعجون الطماطم السابق مع التقليب جيداً حتى تحصلين علي خليط أو مزيج كثيف وثقيل ومن ثم قومي بإضافة الماء لتغمر كل هذا الخليط.

4- في هذه الخطوة من طريقة عمل الكبسة وبالأخص عندما يبدأ الماء المضاف إلي الخليط بالغليان يجب أن تقومي بإضافة قطع الدجاج إليها واتركيها لمدة 25 دقيقة إلي 30 دقيقة حتى ينضج الدجاج بالشكل المطلوب.

5- تمام كده  قومي بوضع قطع الفراخ في صينية وبعد كده قومي بتحميرالفراخ في الفرن في درجة حرارة متوسطة.

6- بعد ذلك قومي بتصفية الأرز البسمتي المنقوع في الماء وضعيه في المرق الناتج عن الفراخ وذلك بعد أن تقومي بضبط كمية المرق المناسبة للأرز بحيث يغمر المرق الأرز بصورة جيدة.

7- أضيفي إلي خليط الأرز والمرق السابق الفلفل الأخضر الحار وكمية الملح المناسبة واتركيه علي النار الهادئة حتى ينضج تماماً.

8- الآن وبعد أن ينضج الأرز، قومي بوضعه في طبق التقديم وضعي فوقه الفراخ اللذيذه والمكسرات المقلية حسب الرغبة ويقدم هذا الطبق ساخناً إلي العائلة، ويقدم مع الطبق السلطات المرغوب بها وألف هنا وشفا.

هذه كانت طريقة عمل الكبسة الخليجية الشهيرة بالفراخ اللذيذه، وليس ما يميز هذه الطريقة كونها سريعة أو سهلة أو موفرة فقط بالمقارنة مع أكل المطاعم، بل كونها معدة في المنزل وموثوق بمقاديرها وطريقة إعدادها.

طريقه عمل البط

طريقه عمل البط

يعتبر البط من الوجبات الرئيسيه والاساسيه لدي الكثير من الناس فاغلب المصريين يعتبروا تربيه البط في البيت خاصه الارياف من الاساسيات التي يجب ان تكون في المنزل مثل الماء والهواء  يتميز البط بالبروتين العالي والطعم الرائع  ويكون من اساسيات الولائم والعزومات لجمال طعمه وفخامته  

المكونات 

1- بطه كبيره 

2- كوب رز كبير

3- سمنه و زيت نباتي

4- حبهان ومستكه وورق لوري وفلفل اسود وملح وكمون 

5- خل وليمون ودقيق للتنظيف 

6- 2 بصله كبير 

طريقه عمل البط

 1- اغسلي البطه كويس وافركيها بالملح والليمون والخل والدقيق  واغسليها تاني كويس اوي وسيبيها تصفي المياه 

2- اقدحي معلقتين سمنه كويس و شوحي الرز وعليه بصله مفرومه وفلفل وكمون وملح 

3- احشي نص البطه من عند الرقبه من اعلي وليس من اسفل 

4-  شوحي البطه مع الورق اللوري والفلفل والكمون ومعلقتين سمنه 

4- ضيفي ليها المياه المغليه بالبصل والبهارات   واتركيها علي النار ساعتين حتي تنضج 

5- ادهني البطه بالسمنه البلدي ودخليها الفرن تتحمر   وبالف هنا 

طريقه عمل الارانب

طريقه عمل الارانب

الارانب من اصح  اللحوم البيضاء لها فايده وقيمه غذائيه عاليه ودايما لازم يتعمل جمبها طبق الملوخيه بالارانب اللذيذ وخفيفه اوي علي المعده ومضمونه اوي في الايام اللي احنا فيها وطبعا الارانب ليه طرق طهي كتير  ماتيجوا نشوف طريقه عمل الارانب 

المكونات

1- ارنب 2ك  مقطع

2- جزره كبيره مقطعه 

3- بصله مفرومه

4- حبهان ومستكه وفلفل اسود وكمون  وملح

5- معلقتين ك سمنه 

طريقه عمل الارانب

1- تشوحي الارنب المقطع الي اجزاء في سمنه لما لونه يتغير 

2- ترشي البهارات وتضيفي الجزر المقطع والبصل المفرومه  

3- تغطي الاناء علي الارنب لما ينزل كل المياه مع التشويحه واضافه الملح

4- تضيفي كوب ماء مغلي علي الارنب وتتركيه لعمل الملوخيه بشوربه الارانب  اللذيذه وبالف هنا

 

طريقه عمل السمك السنجاري

طريقه عمل السمك السنجاري

السمك طبعا من الاكل الاساسي في كل بيت ودايما يتاكل كل اسبوع مره او اتنين علي حسب حب البيت والعيله لاكله سمك طبعا البور سعيديه بيعملوه كل يوم لانهم بينوعوا في طريقه السمك ونوع السمك كمان    ماتيجوا نشوف الطريقه 

المكونات

1-  2 كيلو سمك بوري
2-  3 حزمه كسبره خضراء
3-  6 حبات كبيره طماطم 
4- كيلو سمك بوري
5- 3 حبات ليمون
6-كمون كتير وملح وفلفل اسود
7-  8 فصوص توم كبير
8-  2حزمه من الشبت
 9- 5 فلفل اخضر حار وبارد
10-  2 جزره مبشوره و 2 بصله وكرات اخضر وكرفس

طريقه عمل السمك السنجاري

  1- ننضف السمك جيدا وغسله بالماء والخل والليمون 

2-  نفتح السمك من الضهر جيدا 

3- نتبل السمكه بالفلف روالملح والكمون 

4- نقطع الطماطم والشبت والكسبره والفلفل وكل المكونات السابقه وتتبل ونضعها بالكبه وفرمتين فقط

5-نحشي السمك بالخلطه كلها ونلفه في ورق فويل وندخله الفرن علي درجه حراره 400 درجه لمده نص ساعه  ويخرج   وبالهنا والشفا

 

طريقه عمل الكرشه

طريقه عمل الكرشه 

الكرشه وجمال اكلها بالنسبه لناس كتير هي العشق كل بيت مصري لازم يعمل الكرشه الكل بيحبها ومفيش اختلاف عليها الكرشه الاساسيه في اكل المدبح والاسايه في يوم العيد لو مكنش فيه كرشه في البيت يبقا انت مش مصري     ماتيجوا نشوف طريقه الكرشه 

المكونات

1. كيلو من الكرشة والفشة
2. 2 بصله كبيرة مقطعة جوانح
3. 2حبه فلفل حار (اختياري)
4. 4 معلقة كبيرة صلصه طماطم
5. 6 فصوص ثوم
6. ملح
7. فلفل
8. كمون
9. رشة قرفة

طريقه عمل الكرشه

1. ننضف الكرشةكويس اوي بالخل والكربوناتو لما تبقا بيضه وفله
   
2. نقطع الفشه والكرشه قطع صغيرة
   
3. نغلي مايه ومعاها خل ونضع بها الكرشة والفشه 5 قايق لما تغلي
4. نضع زيت في حله ونحمر البصله علي نار هادئه وبعدين نضع الثوم
   
5. نضع الكرشه والغشه ونقلبهم مع البصل ثم نضع الفلفل والصلصه والتوابل ونقلب مرة اخري
   
6. نضيف ماء مغلي ونوطي النار وكل ما ينشف نزود ماء مرة اخري حتي تمام النضج   وبالف هنا ودووق معانا  احلي كرشه
   

طريقه عمل المفتقه

طريقه عمل المفتقه

كتير اوي مننا بيحب ياكل المفتقه في الشتاء وده اجمل فصل ليها تتاكل فيها بتدفي وتدينا كده طاقه جباره والاحلي فيها انها مفيده اوي لاطفالنا  مليانه فوايد فيتامينات وحديد وكالسيوم لو فضلنا نتكلم عن الفوايد اللي في المفتقه مش هنكفي حقها في الفوايد مغذيه جدا   ماتيجوا نشوف الطريقه 

المكونات 

1- 3 كيلو عسل اسود 

2-ربع كيلو سوداني مقشر 

3-تمن كيلو اسود 

4-  2 كوب زيت 

5- نص كوب دقيق  

6- كوب حلبه محمصه ومطحونه ناعم 

طريقه عمل المفتقه

1- سخن الزيت و و يوضع السودانى ثم السمسم حتى يتحمص .
2- يضاف اليه الدقيق و يقلب الخليط حتى يصفر لون الدقيق.
3- يضاف العسل مع التقليب المستمر و يترك حتى غليان العسل.
4-تضاف الحلبه الي خليط العسل.
5- تترك الحلبه المعقوده بالعسل علي نار متوسطه الحراره حتي الغليان.
              و تقدم الحلبه المعقوده بالعسل.   وبالف هنا

 

عمل النسكافيه زي المحلات

عمل النسكافيه زي المحلات 

النسكافيه اللي كلنا بنحب نشربه وليه طرق كتير في عمله ممكن بوش كبيير للناس اللي بتحب الرغوه وممكن من غير للناس اللي بتحبه ساده  احنا بقا هنصنعه في بيتنا وبايدينا كمان وهيفضل معانا شهور يعني توفير وجمال الطعم كمان ماتيجوا نشوف الطريقه

المكونات 

1- كوب نسكافيه

2- كوب ماء

3- كوبين من السكر 

طريقه عمل النسكافيه 

1-  نحضر كل المكونات السابقه ونضعها في الخلاط ثم نشغل الخلاط عده مرات عليها 

2-نحضر علبه فارغه ونضع فيها كل المكونات السابقه  ونضعها في الفريز  وكان هنلااقي ووش رهيب واحنا بنحفظها في العلبه 

3- نغلي اللبن وناخد معلقه واحده بس من العلبه وندوبها في اللبن واستمتع باحلي نسكافيه وطعم مميز ورغوه مدهشه   وبالف هنا

طريقه عمل مربي البرتقال

طريقه عمل مربي البرتقال

مربي البرتقال من اجمل والذ المربات اللي بتتاكل وارخص مربي نعملها في الشتاء ونخزنها كمان لاولادنا تنفع للفطار وللعشا ولذيذه جدا وكمان في ناس مايتستغناش عنها في فصل الشتاء مليانه فوايد وفيتامينات ومن الذ واشهي المربات   ماتيجوا نشوف الطريقه

المكونات

1- 1كيلو برتقال
2- 1كيلو سكر
3-كوب عصير برتقال
4-ليمونه
5- كوب بشر برتقال

طريقه عمل مربي البرتقال
 
1- جهزي كمية السكر التي تحتاجي إلي إستخدامها قد يقوم البعض بإضافة معلقة من مسحوق القرفة أو الزنجبيل مع السكر .
بعد تقطيع البرتقال يمكنك إلي شرائح يمكنك إضافة السكر له وتركه هكذا لبضع ساعات

2- جهيز وعاء طهي لإضافة شرائح البرتقال والليمون وقشر البرتقال والسكر معاً .
ترك الوعاء علي النار حتي يغلي علي نار متوسطة الحرارة .

3- وعندما يغلي الخليط، يمكنك خفض درجة الحرارة والتقليب كل بضع دقائق بإستمرار، للتأكد من عدم تراكم أي أجزاء في الجزء الأسفل من الوعاء .

4- ترك الخليط علي نار هادئة حتي يقل حجم المزيج إلي 1/3 الحجم الأصلي ويصبح أكثر سمكاً، قد تستغرق هذه الخطوة حوالي ساعة ونصف

5-وبعد أن يصل المزيج إلي النصف قد تحتاجي إلي إضافة المزيد من قشر البرتقال يمكنك إضافة نصف كوب أخر يحتاج إلي 40- 50 دقيقة في الطبخ .

6-ا ترك الخليط حتي يبرد تماماً بعيداً عن أي مصدر للرطوبة وتغطية الوعاء بقطعة قماش نظيفة حتي يبرد تماماً . لا تستخدم غطاء وعاء، لأنه في هذه الحالة سوف يتحول البخار الساخن ويتكثف في صورة قطرات ماء وإذا سقطت هذه القطرات علي المربي تؤدي إلي إفسادها .

7- البدء في ملء البرطمانات مع ترك مسافة لا تقل عن 2 بوصة فارغة، بعد ذلك يتم إحكام غلق البرطمانات جيداً . وننصح بوضع البرطمنات في وعاء من الماء المغلي حتي يقلل من التلف لمدة 15 دقيقة .

طريقه عمل المهلبيه

طريقه عمل المهلبيه

المهلبيه من اطيب واشهي الحلويات اللي دايما كل بيت مصري بيعملها وكمان من طقوس العيد انها تكون موجوده الاطفال والكبار بيحبوها  وكل ستات البيوت بيتفننوا في تقديما مره بالجيلي او بالمشمشيه او بالمكسرات قولنا نعملها مع بعض ونشوف طريقتها الجميله

المكونات

١- 2  كوب من اللبن
2- 5  معالق من الحليب البودره
٣ -  معلقه ماء ورد
4-  معلقه فانيليا
5- نص كوب سكر
6- 6  معالق نشا
7-  مكسرات للزينه قرفه وجوز الهند
8-  لوز وعسل

طريقه عمل المهلبيه

١- نسخن المياه  وبعد كده نضيف السكر واللبن ونقلب حتي تمام التجانس  ولما يكمل ذوبان 
2-  يترك الحليب علي نار هاديه لحد مايسخن ونضيف الفانيليا وماء الورد
3-  يتم وضع النشا علي اللبن مع التقليب المستمر
4 - نستمر بالتقليب حتي يغلي  ويصبح لدينا خليط كثيف
5- نبعد الخليط علي النار  ونصبه في اطباق التقديم
6- نتركه في التلاجه حتي يبرد
7- نضيف المكسرات والقرفه عند التقديم وبالف هنا